Tenton të vetëvritet një burrë në Shqipëri duke i vënë flakën vetes, thotë se s’kanë bukë të hanë

Share

Një 63-vjeçar nga Berati ka tentuar të kryejë vetëvrasje, duke u lyer me benzinë e më pas duke i vënë flakën vetes. Ngjarja ka ndodhur në lagjen “Çelepias”, ndërsa kanë qenë kalimtarë të rastit që kanë njoftuar policinë duke e transportuar me urgjencë në spital.

Shkak për këtë veprim ekstrem është bërë varfëria. 63-vjeçari Xhevair Gjozi ka thënë nga spitali për “News 24” se nuk e do më jetën për shkak se nuk kanë bukë të hanë, megjithatë dyshohet se ai ka edhe probleme të tjera.

Gjozi është i sëmurë dhe i paaftë për punë, ndërsa prej shumë vitesh nuk merr as pension. Bashkëshortja e tij, Zhaneta Gjozi bën apel për ndihmë, pasi dy bashkëshortët nuk kanë asnjë të ardhur ekonomike.

Ndërkohë, mjekët e spitalit të Beratit thonë se Xhevair Gjozi ka pësuar djegie të shkallës së dytë, por është jashtë rrezikut për jetën.

Marketing



Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi, pa miratimin e drejtuesve të “HaniElezit.Net”

Comments are closed.

error: Ndalohet përdorimi i materialit!