(Video) Banorët e Paldenicës vizatojnë zebra në “Arbën Xhaferi”, thonë se do ta bllokojnë përurimin

Share

Kjo bllokadë ishte vendosur vetëm për 3 muaj, por ka një vit që ka mbetur kështu.

Banorët e fshatit Paldenicë të Komunës së Hanit të Elezit, kanë protestuar vazhdimisht për bllokimiin e rrugës, që ua pamundëson qasjen në qytet dhe në toka bujqësore, raporton KTV.

Në shenjë proteste, ata kanë vizatuar edhe zebra në mes të autostradës “Arbën Xhaferi”.

Banorët e këtij fshati fajësojnë Ministrinë e Infrastrukturës dhe Bechtel&Enka-n për mospërmbushjen e premtimeve.

Ata kanë paralajmëruar edhe moslejimin e përurimit të kësaj autostrade.

Nëse premtimet nuk përmbushen, pengimin e përurimit të autostradës do ta përkrahë edhe kryetari i Komunës së Hanit të Elezit, Rufki Suma.

Ai tregon se ka një muaj qëkur ka pritur zëvendësministrin e Infrastrukturës, Rexhep Kadriu, që të shohë nga afër gjendjen, por ai nuk është lajmëruar.

Në vendngjarje është parë edhe Policia e Kosovës, pas vizitimit të zebrave nga banorët.

Zëvendësministri Rexhep Kadriu, i kontaktuar nga KTV-ja, nuk ka dashur të flasë për këtë.

Që nga fillimi i ndërtimit të kësaj autostrade, banorët e këtij fshati kanë protestuar dhjetëra herë, duke kërkuar përmbushje të kërkesave të tyre.

Marketing



Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi, pa miratimin e drejtuesve të “HaniElezit.Net”

Comments are closed.

error: Ndalohet përdorimi i materialit!